जनकपुरधाम, २५ भदौ । मधेशलाइभ अनलाइनका सञ्चालक एवम् कार्यकारी सम्पादक विद्यानन्द राम एसोसिएसन अफ नेपाली एग्रिकल्चरल जर्नलिस्टस् (अनाज)का मधेश प्रदेश संयोजकमा नियुक्त भएका छन् ।
सप्तरीको बोदेबरसाईन नगरपालिका–३ निवासी राम नेपाल समाचारपत्र राष्ट्रिय दैनिक एवम् नेपाल पत्रकार महासंघ, सप्तरीका कार्यसमिति सदस्य समेत हुन् ।
करिब एक दशकदेखि पत्रकारितामा सक्रियतासाथ लागेका रामलाई अनाजको विहिवार गरिएको निर्णय अनुसार संयोजकमा नियुक्त गरिएको हो ।
एसोसिएसन अफ नेपाली एग्रिकल्चरल जर्नलिस्टस् (अनाज)काअध्यक्ष किरण आचार्यद्वारा हस्ताक्षरित रामलाई प्रदान गरिएको नियुक्त पत्रमा संस्थाको उद्देश्य अनुरुप कृषि सञ्चार प्रवर्द्धनमा महत्वपूर्ण भुमिका निर्वाह गर्ने विश्वास व्यक्त गरिएको छ ।
