कञ्चनपुर,७ पुस । दुर्गा प्रसाईले नेतृत्व गरेको ‘राष्ट्र, राष्ट्रियता, धर्म, संस्कृति र नागरिक बचाऔँ महाअभियान’लाई सशक्त बनाउन सप्तरीको कञ्चनरुप नगरपालिकामा उमेश प्रसाद साहको अध्यक्षतामा २५ सदस्यीय नगर कमिटि गठन गरिएको हो ।
शनिबार सप्तरीको कञ्चनरुप नगरपालिका वडा नं.९ रुपनगर स्थित धारापानी होटलमा जिल्ला भेला कार्यक्रममा सो नगर कमिटि गठन गरिएको हो । सो नगर कमिटिको उपाध्यक्षमा कमल जैन,सचिवमा पवन सरबरिया,सहसचिवमा पुष्पा चौधरी र कोषाध्यक्षमा कल्पना यादव रहेकी छिन् । उक्त नगर कमिटिको सल्लाहकारहरुमा संजय कुमार साह,श्याम स्वर्णकार र राजकुमार स्वर्णकार(राजु) रहेका छन् ।
जिल्ला भेला कार्यक्रमलाई सम्बोधन गर्दै मघेश प्रदेशका प्रमुख नरेश साहले भने,–ऋणीहरुबाट बैंकले ७ प्रतिशतमा गरिएको सम्झौंता १४ देखि १६ प्रतिशत र लघुवित्त एवम् सहकारी संस्थाहरुले १२ प्रतिशतमा गरिएको सम्झौंता २४ देखि ३६ प्रतिशत चक्रिय ब्याज लिने गरेकोले ऋणीहरु मारमा परेको छ । सो जिल्ला भेला कार्यक्रममा पिडित ऋणीहरुले भने दुर्गा प्रसाईले गरेको आन्दोलनबाट सरकारले लघुवित्त पीडितको आवाज दवाव दिने बुझाइ छ ।
ऋणीहरु सहभागिहरुको बुझाई ‘हामी गरिबले लिएको ऋण मिनाह हुन्छ भनेको छ । चर्को ब्याज,घरबार विहिनको अबस्थामा पुगेकोले गर्दा हामी सबै ऋणीहरु आन्दोलनमा जाने र दुर्गा प्रसाईले शुरु गरिएको महाअभियानलाई साथ दिने बताए ।
सो जिल्ला भेला कार्यक्रम ‘राष्ट्र, राष्ट्रियता, धर्म, संस्कृति र नागरिक बचाऔँ महाअभियान’मघेश प्रदेशका प्रमुख नरेश साहको प्रमुख आथित्य,अभियानका केन्द्रिय सचिवालय सदस्य तेजु कुमार साह विशिष्ठ अतिथि तथा सो कार्यक्रम उमेश प्रसाद साहको अध्यक्षतामा सम्पन्न गरिएको हो ।
