कञ्चनपुर,१५ फागुन। सत्तारुढ जनमत पार्टीले पार्टीको हकहितबिरुद्ध काम गरेकाले ५ जना वडाअध्यक्षलाई कार्वाही गरेको छ ।
जनमत पार्टीका प्रबक्ता शरदसिंह यादवका अनुसार पार्टीबाट निर्वाचित तीन जिल्लाका ५ वडाअध्यक्षलाई कार्वाही गरिएको हो ।
कार्वाहीमा पर्ने धनुषाको गणेशमान चारनाथ नगरपालिका वड नम्बर ९ का वडा अध्यक्ष नन्दकिशोर यादव, रुपन्देहीको मर्चबारी गाउँपालिका वडा नम्बर ६ का रामसेवक खरबिन्द, लुम्बिनी सांस्केृतिक नगरपालिका ७ का ध्रुब यादव, गैडहवा गाउँपालिका ७ का लालबहादुर केबट र बर्दियाको गुलरिया नगरपालिका १० का लक्ष्मीनारायण लोधलाई कार्वाही गरिएको छ ।
कार्वाही गरिएकालाई पार्टीको कुनै पनि कार्यक्रममा सहभागी नगराउन निर्देशन दिइएको छ ।
पार्टीको हकहितबिरुद्ध काम गरेको,पार्टीको लेबी नतिरहेको,निर्वाचित भएपछि पार्टीसँग कुनै मतलव नराखेकाले कार्वाही गरिएको प्रबक्ता यादवले बताए ।
