सप्तरीको कञ्चनरूप नगरपालिकाका मंगले दमाईको नक्सा अभिलेखीकरण गर्न आलटाल गरेको आरोप सेलाउन नपाउँदैं नक्सा उपशाखाका इन्जिनियर सुजित कुमार साहलाई न्यायिक समतिमा उजुरी परेको छ । साह विरुद्ध छिमेकीले कंचनरुप नगरपालिकाको न्यायिक समितिमा उजुरी दर्ता गराएको हो ।

उनलाई छिमेकीको घरमा असर पार्ने गरी आफ्नो घरको नक्सा पास गर्न लागेको आरोप छ । कञ्चनरूप वडा ४ का ७५ बर्षका केशव शर्मा ठाकुरले इन्जिनियर साहका दाजु रंजित साह र इन्जिनियर साहले घर निर्माण गर्दा घरको छत तथा झ्याल आफ्नो तर्फ पर्न आएको हुनाले त्यसमा पुर्नविचार गर्न पटक–पटक आग्रह गर्दा समेत नमानेपछि घर निर्माण गर्दा घरको पश्चिमपट्टि तर्फ झयाल र घरको छत आफनोपट्टि पारेको भन्दै २०७७ साल चैत्र ४ गते इन्जिनियर साहको दाजुलाई विपक्षी बनाई न्यायिक समितिमा उजुरी दिएको थियो ।

न्यायिक समितिले फैसला गर्न नपाउँदै ठाकुरको मृत्यु भयो र हाल आएर इन्जिनियर साहले घर नक्सा पास गर्न लागेको ठाकुरका छोरा वेचन शर्मा ठाकुरले आरोप लगाए । कञ्चनरूप नगरपालिकाको न्यायिक समितिमा छानविन गरिपाउँ भनी उनीहरु विरुद्ध निवेदन दार्ता गराएको उनले जानकारी दिए ।

न्यूज टुडे
राजविराज, ०८ साउन ।