कञ्चनपुर,२४ मंसिर । सप्तरीको कञ्चनरुप नगरपालिका वडा नं. ८ ले कृषकहरूको जीवनस्तर उकास्ने लक्ष्यसहित सामाजिक विकासका कार्यक्रमअन्तर्गत बिउ वितरण गर्ने भएको छ ।

आ.व. २०८१/०८२ को सामाजिक विकासतर्फ सतप्रतिशत अनुदानमा हिउँदे बेमौसमी तरकारीको बिउ वितरण गर्ने योजना सार्वजनिक गरेको छ।
साे वितरण मंसिर २५ गते मंगलबारदेखि वडा नं. ८ का कृषक र कृषक समूहहरूले वडा कार्यालयमा सम्पर्क गरी बिउ प्राप्त गर्न सक्नेछन्। कृषकहरूको पहुँच र सहभागिता सुनिश्चित गर्नका लागि कञ्चनरुप नगरपालिका वडा नं.८ का वडा कार्यालयले सार्वजनिक सूचना जारी गर्दै सम्पूर्ण लक्षित कृषकहरूलाई सम्पर्क गर्न आग्रह गरेको छ।
साे कञ्चनरुप नगरपालिका वडा नं.८ वडा अध्यक्ष कृष्णप्रसाद साहको नेतृत्वमा कार्यक्रम अघि सारिएको हो। वडा अध्यक्ष साहले कृषकहरूको उत्पादनशीलता वृद्धि गर्दै आर्थिक स्थिति सुधार गर्ने उद्देश्यसहित योजना ल्याइएको बताएका छन्।

यस योजनाबाट कृषकहरूलाई गुणस्तरीय बिउ प्राप्त हुनेमात्र नभई बेमौसमी तरकारी खेतीका लागि नयाँ अवसर सिर्जना हुनेछ।

यसले न केवल कृषकहरूको आयमा वृद्धि गर्नेछ, तर स्थानीयस्तरमा खाद्य सुरक्षाको सुधारमा पनि योगदान पुर्‍याउनेछ।
वडा कार्यालयको यो निर्णयलाई कृषकहरूले सकारात्मक रूपमा लिएका छन्। कृषक समूहहरूको अनुसार, बिउ वितरणले उनीहरूको खेतीमा नयाँ सम्भावना खोल्ने र उत्पादन लागत घटाउने विश्वास छ