अपूर्व न्यूज समाचारदाता
कञ्चनपुर,११ कार्तिक । वैदेशिक रोजगारीको प्रलोभनमा पारेर दुई लाख रुपैयाँ ठगी गरेको रकम कञ्चनरुप नगरपालिकाका सामी परियाेजनाले फिर्ता गराएको हाे ।

आइतबार कञ्चनरुप नगरपालिका–१ वडा सदस्य चम्पा देवी सरदारका छोरा सम्भु सरदार ठगीको शिकार भएका थिए ।
सुनसरी जिल्लाको रामधुनी नगरपालिकाका एक एजेन्टले वैदेशिक रोजगारको व्यवस्था गरिदिने भन्दै सम्भु सरदारसँग दुई लाख रुपैयाँ असुलेका थिए। तर, रकम लिएर पनि रोजगारीमा नपठाएपछि सरदार परिवारले ठगीको विरोध गरेका थिए।

समी टिमको पहलमा कञ्चनरुप नगरपालिकाले यस घटनालाई अनुसन्धान गर्दै पीडित चम्पा देवी सरदारलाई ठगिएको रकम कञ्चनरुप नगरपालिकाका नगर प्रमुख ललन प्रसाद गुप्ताकाे उपस्थितिमा साे दुई लाख रुपैयाँ फिर्ता गराउन सफल भएको हाे । यस कदमले ठगीको शिकार भएका अन्य पीडितहरूलाई न्यायको खोजीमा सहयोग पुग्ने अपेक्षा गरिएको छ।