काठमाडौं,२३ मंसिर । हर्श थाकरको उत्कृष्ट बलिङ प्रदर्शनको मद्दतले जनकपुर रोयल्सले नेपाल प्रिमियर लिग (एनपीएल) मा लुम्बिनी लायन्समाथि १ रनको रोमाञ्चक जित हात पारेको हो ।
१३७ रनको झिनो लक्ष्यको बचावट गर्दै जनकपुरले खेलको अन्तिम बलमा जित सुनिश्चित ग¥यो । अन्तिम ओभरमा लुम्बिनीलाई जितका लागि ९ रन आवश्यक थियो, तर थाकरको कसी बलिङका कारण लुम्बिनीले ८ विकेट गुमाएर १३५ रनमै रोकियो ।

थाकरले निर्णायक क्षणमा सन्दिप जोरालाई अन्तिम बलमा आउट गर्दै ५ विकेटको अद्भुत प्रदर्शन गरेको हो । यस खेलसँगै थाकरले आफ्नो टोलीलाई चार खेलमा लगातार चौथो जित दिलाउन महत्वपूर्ण भूमिका निभाए ।

जनकपुरले अब ८ अंकसहित तालिकाको शीर्ष स्थानमा उक्लिएको छ । टिमको प्रदर्शनले समर्थकहरूको मन जितेको छ भने यस लिगमा जनकपुरले आफ्नो बलियो उपस्थिति देखाएको छ ।
लुम्बिनीका लागि बलियो सुरुवात भए पनि मध्यक्रमका ब्याटरहरूले प्रभावकारी प्रदर्शन गर्न नसक्दा टोली पराजित हुन पुग्यो ।
जनकपुरको यो रोमाञ्चक जितले लिगको थप रौनक बढाएको छ । अब टोलीको ध्यान आगामी खेलहरूमा पनि उत्कृष्ट प्रदर्शन गर्नतर्फ केन्द्रित रहनेछ ।