बर्दिबास,१९ साउन । राष्ट्रिय सहकारी बैक लिमिटेडंको २२ औं स्थापना दिवसको अवसरमा सप्तरीबाट नियमित कारोबारको विधामा सहयोगी बचत तथा ऋण सहकारी संस्था लिमिटेड उत्कृष्ट भएको हो ।

शनिबार बर्दिबासमा राष्ट्रिय सहकारी बैक लिमिटेडंको २२ औं स्थापना दिवसको अवसरमा आयाजित “सहकारीको वर्तमान अवस्था र भावी कार्यदिशा विषयक प्रदेशस्तरीय गोष्ठी एवम् सम्मान कार्यक्रम”मा प्रदेश प्रदेशबाट एक मात्र सहकारीको रुपमा नियमित कारोबारको विधामा सम्मान मधेस प्रदेशका मुख्यमन्त्री सतीश कुमार सिंहको हातबाट सहयोगी बचत तथा ऋण सहकारी लिमिटेडका अध्यक्ष अनोज यादवलाई सम्मानपत्र गृहण गरिएको हो ।

उक्त सम्मानपत्र कार्यक्रममा लिमिटेडका अध्यक्ष अनोज यादवसहित उपाध्यक्ष संजय खंडगा,सचिव शोभाकान्त गुप्ता,व्यवस्थापक विनोद दास र सदस्य महेश गुप्ताको उपस्थित रहेका थिए ।

हाल मधेश प्रदेशमा सप्तरीको कञ्चनरूप नगरपालिका ८ का सहयोगी बचत तथा ऋण सहकारी संस्था लिमिटेड उत्कृष्ट भएका छन । सहयोगी जिल्लामा नै उत्कृष्ट संस्थाका रुपमा काम गरीरहेका छन । सहकारीले सेवा केन्द्र स्थापना गरि ग्राहकबर्गहरुलाई ग्रामिण भेग सम्म सेवा प्रवाह गरिरहेको अध्यक्ष यादवले बताए ।