अपूर्व न्यूज समाचारदाता
कञ्चनपुर (सप्तरी), २१ फागुन । सप्तरीको कञ्चनरुप नगरपालिका–८ स्थित बेरियर लोकराजमार्गमा आज बिहान तिब्र गतिमा गुडिरहेको यात्रुबाहक बसको टायर पड्किँदा यात्रुहरू सामान्य रूपमा घाइते भएका हाे ।
इलाका प्रहरी कार्यालय कञ्चनपुरका अनुसार विराटनगरबाट सिराहामाडरतर्फ जाँदै गरेको को.१ ख.४२४२ नम्बरको ‘माँ श्री सीता एक्सप्रेस’ बस बिहान ७:१५ बजे अचानक अगाडिको टायर पड्किँदा दुर्घटनामा परेको हो। बसमा रहेका यात्रुहरूलाई सामान्य चोटपटक लागेको छ। प्रहरीका अनुसार बस तीव्र गतिमा रहेको र टायर पड्केपछि अचानक असन्तुलित भएपछि दुर्घटना हुनबाट जोगिएको हो। घटनापछि स्थानीय बासिन्दा तथा सुरक्षाकर्मीको सहयोगमा यात्रुहरूलाई सकुशल उद्दार गरिएको छ।
हाल घटनास्थलमा प्रहरी टोली खटिएको छ भने दुर्घटनाबारे थप अनुसन्धान भइरहेको इलाका प्रहरी कार्यालय कञ्चनपुरले जनाएको छ।
