वृन्दावन(रौतहत) १५ भाद्र । वृन्दावन नगरपालिका नगर प्रमुख विनोद प्रसाद कुर्मीले भने,– वृन्दावन नगरपालिकामा जातीय विभेद विरुद्धको लडाइँलाई अझ सशक्त बनाउने बताए ।

शुक्रबार वृन्दावन नगरपालिकाको सभाहलमा युएसएआईडी नेपालको आर्थिक सहयोगमा द एसिया फाउन्डेसनले कार्यन्वयन गरेको युएसआईडी नागरिक समाज र सञ्चार परियोजना तथा दलित सरोकार मञ्च नेपाल सप्तरीको आयोजनमा दलित समुदायका नागरिक समाज,जनप्रतिनिधि र पत्रकारहरुको सञ्जाल निर्माण र परिचालन परियोजना अन्तर्गत “दलित सशक्तिकरण ऐन २०७६ अनुरुप”स्थानीय तहमा हुने जातीय विभेद तथा छुवाछूत अनुगमन समिति गठन कार्यक्रममा सो कुरा बताएको हो ।

नगर प्रमुख कर्मीले समितिको संयोजक राजेश कुमार पासवान चयनप्रति खुसी व्यक्त गर्दै भने, “ दलित समुदायको उच्च मनोबल बढाउनकै लागि उदाहरणका रुपमा नगर उपप्रमुखको रुपमा संगिता कुमारी रामलाई निर्वाचित गराउन सफल भएको हो” ।

वहाँले दलित समुदायको हकहितका लागि कुनै कसर नरहने बताउदैं विगतमा भएको दलित समुदायको विकास निमार्णको कार्य तथा आगामी दिन दलित उत्थानका लागि समर्ग दलित समाज निमार्ण गर्नसमेत सझाब दिएको हो ।

सो अबसरमा छुवाछूत अनुगमन समिति गठन कार्यक्रममा वृन्दावन नगर उप प्रमुख संगीता रामले जनप्रतिनिधि,राजनैतिक दलका नेता तथा कार्यक्रताहरु आफैंनै गाउँ र आफैंनै घरबाट छुवाछुत भेदभाव हटाउनु पर्ने बताउदैं भनिन् नव गठित समितिको भूमिकालाई महत्वपूर्ण ठहर गर्दै आगामी दिनमा नगरपालिकाले यस समितिलाई आवश्यक सहयोग प्रदान गर्ने प्रतिबद्धता जनाए ।
वृन्दावन नगरपालिकाका प्रमुख प्रशासकिय अधिकृत खिम बहादुर भुजेलले नव गठित जातीय विभेद तथा छुवाछूत अनुगमन समितिलाई धन्यवाद दिदैं दलित समुदायलाई समतामूलक समाज निमार्णका दलित समुदायलाई विकास नभइ नहुने बताएको हो ।

सो छुवाछूत अनुगमन समिति गठन कार्यक्रममा वृहत छलफलद्धारा वृन्दावन नगरपालिका दलित कार्यपालिका सदस्य राजेश कुमार पासवानको संयोजकत्वमा ९ सदस्यीय स्थानीय तहमा हुने जातीय तथा छुवाछूत अनुगमन समिति गठन भएको हो । सो समितिमा सदस्यहरुमा दलित कार्यपालिका सदस्य पुनम देवी पासवान, दलित अधिकारकर्मी सुरेश पासवान र लक्ष्मिनिया देवी राम, राजनैतिक दलबाट राधेश्याम बैठा,रामजिवन राम,सुखल दास तत्मा,धरिक्षण राम र वृन्दावन नगरपालिका सामाजिक विकाश शाखा अधिकृत रासनारायण पटेल रहेका छन ।
उक्त समिति गठन कार्यक्रममा वृन्दावन नगरपालिकाका जनप्रतिनिधि,दलित अधिकारकर्मी तथा राजनैतिक दलका दलित प्रतिनिधिहरु लगायतका वक्ताहरुले दलित समुदायको हक अधिकारको संरक्षण, विकास, र उत्थानका लागि विभिन्न उपायहरु अगाडि सारेको छ । गठित समितिले छुवाछूत र विभेद विरुद्धको अभियानलाई थप सक्रिय र प्रभावकारी बनाउने विश्वास गरिएको छ ।