कञ्चनपुर,(सप्तरी) १ माघ । तराई मघेशमा केही हप्ता अत्याधिक चिसो बढेका कारण जनजिवन प्रभावित भएपछि स्केच नेपालले गरिब तथा विपन्नका लागि न्यानो लुगा संकलन तथा वितरण अभियान कार्यक्रम आईतबार सम्पन्न गरेको छ ।

बालबालिकाको क्षेत्रमा काम गर्ने सामाजिक संस्था स्केच नेपालले “हुनेले दिएर जाउ,नहुनले लिएर जाउ” मुल नाराका साथ कञ्चनरुप नगरपालिका क्षेत्रका १ हजार भन्दा बढी गरिब,विपन्न,दलित सिमान्तकृत समुदायहरुका लागि न्यानो लुगा संकलन तथा वितरण गरिएका छन् ।
गत पौष २४ गते आईतबार स्केच नेपाल परिसरबाट नै संकलन तथा वितरण गरिएको अभियानमा कंचनरुप नगरपालिका लगायतका अन्य ठाउँबाट आएका विपन्नहरुलाई न्यानो लुगाहरु वितरण गरिएको हो ।

सो अभियानलाई प्रोत्साहन लागि साथ एवम् सहयोग गर्ने कञ्चनरुप नगरपालिका वडा नं.८ का स्थानीयवासी, स्थानीय व्यापारी, विद्यार्थी, समाजसेवी,सञ्चारकर्मी तथा अन्य दाताहरूले वितरणका लागि नयाँ तथा लगाउने योग्य पुराना लुगाहरु उपलब्ध गराएका छन् । साथै अभियानलाई सहज र प्रभावकारी बनाउनका निम्ति कञ्चनरुप नगरपालिकाका विभिन्न विद्यालयका विद्यार्थीहरुले स्वयंसेवकका रुपमा महत्वपूर्ण भूमिका निर्वाह गरी सहयोग गरेकोमा सम्पुर्णमा स्केच नेपाल परिवारले धन्यवाद ज्ञापन गरेका छन् ।
२०७९ पौष २४ गते देखि माघ १ गते सम्म संचालन गरिएको स्केच नेपाल कञ्चनरुप नगरपालिका वडा नं.८ सप्तरीका अध्यक्ष संदिप गुप्ताले बताए । सो अभियानमा न्यानो लुगा लिन बालबालिका,महिला,वृद्ध,असहायहरु सहभागिता रहेका थिए ।

न्यानो लुगा संकलन तथा वितरण कार्यक्रम सम्पन्न (फाेटाे फिचर सहित)